Norsk Fantasi, Oscar Borg. instr Per Olav Paulsen. Brass band

Norsk Fantasi, Oscar Borg. Instrumentert av Per Olav Paulsen

Oscar Borg (1851 - 1930) vart født i Halden i 1851 og var sentral i byen sitt musikkliv i heile si levetid. han var dirigent for 1.brigade's musikkorps i heile 37 år, og komponerte omlag 70 marsjer. Mange av dei blir myskje spelt den dag i dag.

Men Borg komponserte også annan musikk, og "Norsk Fantasi" er eit godt døme på det. Stykket består av kjente, norske folketoner som er sett saman ved hjelp av mellomspel der ein tydeleg kjenner igjen Borg sitt tonespråk frå f. eks. marsjene. Originalen er for janitsjarorkester, men utan saxophon- og trombonestemmer. (Borg brukte aldri desse instrumentene!). Den inneheld dessuten Eb-kornett og to tenorhornstemmer.

I min instrumentasjon for brass band besetning, har eg nytta så mykje som mogeleg av Borg sin originale instrumentasjon. Eg har på ein forsiktig måte føyd til trombonestemmer og har dessutan skrive 3 hornstemmer mot kun 2 i originalen. Endeleg har eg så "utvida" slagverkgruppa med pauker og xylophone i tillegg til deg som var der originalt.

Norsk fantasi er også utgitt for moderne Wind Band

Per Olav Paulsen, Desember -2016